Fuad Manafov, “Mono Engineering” şirkətinin direktor müavini
Şirkətimiz uzun illərdir ki, Azərbaycanda su təchizatı və meliorasiya sahəsində, içməli və çirkab suların idarə olunması üzrə mühəndislik layihələrində iştirak edir. Biz ölkəmizdə bir sıra böyük şirkətlərlə fəal əməkdaşlıq edirik. Bu gün sərgidə onlarla görüşmək çox xoş oldu. Xüsusilə xlorhidratasiya və su hesablaması ilə məşğul olan şirkətlərlə. Bizim əməkdaşlığımız çərçivəsində hər zaman müzakirə ediləcək mövzular var. Sevindirici haldır ki, sərgidə həm yerli, həm də xarici yeni şirkətlər də iştirak edir və onlar bizim fəaliyyət sahəmiz üzrə maraqlı həllər təklif edirlər.
Azərbaycanda, eləcə də demək olar ki, bütün dünyada su təchizatı və su ehtiyatlarının qorunması problemi hazırda ən vacib məsələlərdən biridir. Bizim regionda da Xəzər dənizi ilə bağlı yaxşı məlum olan problemlər mövcuddur. Bütün bu məsələlər təxirəsalınmaz həllər tələb edir. Bu kontekstdə belə sərgilərin keçirilməsi olduqca vacib və zəruridir. Məhz bu kimi tədbirlərdə biz yeni məlumatlar əldə edir, su təchizatı problemlərinin həlli üçün yeni texnologiyalar və yanaşmalarla tanış oluruq. Əminəm ki, “Baku Water Week” bizim biliklərimizi genişləndirəcək və yeni əlaqələrin qurulmasına təkan verəcək. Gələcəkdə isə bu əlaqələr bir çox vacib və aktual problemlərin həllinə töhfə verəcək.
AZ
EN
RU
