Gürcüstanda sensor şəbəkələri quraşdıran "REVELIO" şirkətini təmsil edirəm. Bütün il ərzində bir batareya ilə işləyə bilən "ağıllı sayğaclar" quraşdırırıq. Bu çox faydalı və sərfəlidir. "Su təsərrüfatı" beynəlxalq sərgisi haqqında öyrəndikdən sonra burada potensial tərəfdaşlar tapmağa qərar verdim. Ancaq əvvəlcə Azərbaycanın su sənayesini öyrənmək lazım idi ki, onun yeni texnologiyaları qəbul etməyə nə dərəcədə hazır olduğunu başa düşək.
Az öncə "MILLA" şirkətinin nümayəndələri ilə danışdım. Təklifim onları maraqlandırdı. Ola bilsin ki, sərgidən sonra əməkdaşlığın bütün təfərrüatlarını müzakirə edəcəyik. Fikrimcə, bu gün sərgilər insan həyatının bütün sahələrinin inkişafının tərkib hissəsidir. Bu tədbir beynəlxalq standartlara görə kiçik olsa da, təşkilatçılar bir meydançada çox sayda firmanı toplaya biliblər.
Sərgilər şirkətləri fəallığa təşviq edir. Onların vasitəsi ilə yerli təşkilatlar digər ölkələrdə nümayəndələr tapır və xarici təşkilatlar öz xüsusi biliklərini bölüşürlər. Təəssüf ki, Gürcüstanda sərgilər nadir hallarda keçirilir. Amma Bakıda bu sahə fərqlidir. Bəlkə də bu, ölkənin iqtisadi inkişafından asılıdır. Hətta diqqət yetirdim ki, burada təkcə su təsərrüfatı sahəsinə aid şirkətlər deyil, həm də yerli ali məktəblər və nazirliklər təmsil olunur. Ziyarətçilər eyni zamanda onlarla da tanış ola bilərlər.
Bu gün aktual məsələlər su ehtiyatlarından istifadə və şirin su ilə bağlı vəziyyətin yaxşılaşdırılmasıdır. İlk növbədə avtomatik (ultra dəqiq) suvarma və su sərfinin monitorinqi sistemləri gəlir. Nəzarət nə qədər effektiv olarsa, problemi həll etmək ehtimalı daha yüksək olar. Əgər əvvəllər bu mümkün deyildisə, texnologiyanın inkişafı ilə biz bu sahədə əhəmiyyətli nailiyyətlər əldə etmişik.
AZ
EN
RU
