Bakı Su Həftəsinin vacib biznes hadisələrindən biri Azərbaycan Dövlət Su Ehtiyatları Agentliyi ilə Azərbaycan Dövlət Neft Şirkətinin (SOCAR) törəmə müəssisəsi olan “SOCAR Green” şirkəti arasında iki sənədin imzalanması oldu. “Enerji Səmərəliliyi haqqında” müqavilə və Niyyət Protokolu Azərbaycan Dövlət Su Ehtiyatları Agentliyinin sədr müavini Xəyyam Məmmədov və “SOCAR Green” şirkətinin baş direktoru Elmir Musayev tərəfindən imzalanıb.

İmzalanmış sənədlər iki qurum arasında sıx işgüzar əməkdaşlığın qurulmasına və ölkədə yaşıl energetikanın inkişafına töhfə verməyə yönəlib.